Përdorimi i Ed Controls në ndërtimin e Valley Amsterdam

Kohët e fundit, një ndërtesë futuriste është ngritur përgjatë Amsterdam South Axis: "Valley". Në këtë krijim lozonjar që përfshin tre kulla, qëndrueshmëria, teknologjia dhe jetesa e shëndetshme bashkohen. Në ditët e sotme, një projekt ndërtimi kaq i madh është i pamundur pa mbështetje dixhitale. Ne folëm me drejtuesin e përgjithshëm, Ruud van der Thiel, për zbatimin e Ed Controls gjatë ndërtimit të Valley.

Drejtuesi i projektit Ruud van der Thiel: "Mbaje të thjeshtë!"

Më 15 nëntor të vitit të kaluar, Valley u dorëzua zyrtarisht te klienti. Dhjetëra kompani punuan së bashku për të krijuar këtë ndërtesë, e cila ka një cilësi organike. Një nismë e tillë nuk do të ishte realizuar kurrë kaq shpejt ose me sukses pa bashkëpunim transparent. Komunikimi i qartë ndërmjet shumë palëve dhe disiplinave të përfshira është thelbësor për menaxhimin e duhur të një projekti ndërtimi kaq kompleks. Sipas punës në këtë ndërtesë, mbështetja dixhitale e Ed Controls ishte një pjesë e pazëvendësueshme e këtij procesi.

Gjatë intervistës sonë me drejtuesin e përgjithshëm në fillim të marsit, çështjet e projektit tashmë ishin në rrugë të mbarë. Ruud van der Thiel ka pasur zyrën e tij në kantier që nga marrja e pronës në gusht 2017 dhe shprehu se “nuk do të jetë e lehtë të mbyll derën pas meje kur gjithçka të përfundojë”. Por një punë e re, edhe më e madhe, është në horizont. Në Amsterdamin Jug-Lindor, duhen ndërtuar 560 banesa në një truall 1.5 herë më të madh se ky. “Por ne do të ndërtojmë qiellgervishese thotë ai, duke vënë në perspektivë punën. “Pra, mund te jetë më e thjeshtë seç duket.”

Drejtuesi i përgjithshëm ka shumë mundësi të përdorë Ed Controls që nga dita e parë, ashtu siç bëri për Valley.

Kontrolli i cilësisë

“Që nga shufra e parë e armatures deri tek priza e fundit në mur, ne përdorëm Ed Controls për kontrollin tonë të cilësisë dhe për qëllime regjistrimi,” shpjegon Van der Thiel. “Është veçanërisht e përshtatshme të dish se ku regjistrojmë diçka. Në të kaluarën, shënonim vetëm çështjet që nuk ishin kryer si duhet, por kjo po ndryshon. Aktualisht, kryejmë vlerësime mbi elemente të ndryshme, kryesisht për kontrollin e cilësisë gjatë fazës së ndërtimit, sepse nuk mund të vazhdosh ndërtimin nëse diçka nuk është në rregull. Gjithashtu, nuk është e nevojshme të ndalosh të gjithë procesin e ndërtimit për një gërvishtje në mur ose një rrjedhje boje. Pra, gjatë fazës së ndërtimit, ne regjistrojmë kryesisht elementet që janë në rregull.”

Nga ana tjetër ne ruajmë të dhënat për të parë nëse një element është gati për dorëzim. Ne i përdorim ato për të informuar partnerët dhe nënkontraktorët tanë. Përmes Ed Controls, të gjithë mund të shohin nëse ka ndonjë defekt dhe ku ndodhen ato.

Valley Amsterdam në shifra

• 88 kompani punuan në ndërtimin e tij.

• 75,000 m2 sipërfaqe bruto e dyshemesë.

• Afersisht 100 metra lartësi.

• Kati përdhe dhe shtatë kate të tjera përmbajnë zyra, restorante, dyqane dhe hapësira kulturore.

• Nga kati i tetë e lart ka 198 apartamente me qera që variojnë nga 55 deri në 700 m2.

• Garazh nëntokësor me tre nivele dhe hapesire për 375 makina.

• Hapësirë për 1,850 biçikleta.

• Gjatë fazës së ndërtimit u regjistruan 50,318 etiketa në Ed Controls.

Vazhdoni komunikimin me njëri-tjetrin

Për Van der Thiel, Ed Controls është një mjet dhe jo një qëllim në vetvete. "Kur filluam të përdorim aplikacionin, menduam se mund të menaxhonim gjithçka përmes tij pa qene nevoja të flisnim me njerëz. Por për mua, është e rëndësishme të sigurojmë që gjithçka të ecë mirë dhe çdo element të realizohet siç duhet, pavarësisht mjeteve që përdorim për të arritur këtë. Ed Controls është një ndër aplikacionet më të vlerësuar, por nuk duhet të anashkalojmë rëndësinë e aspektit njerëzor. Ajo është dhe do të jetë gjithmonë kritike për mbarëvajtjen e një projekti ndërtimi. Mos harroni të telefononi njëri-tjetrin rregullisht dhe të realizoni marrëveshje verbale. Nuk është e dëshirueshme që një nga palët të thotë pas një heshtjeje të gjatë: 'Oh, a nuk e dije? A nuk është në Ed Controls-in tënd?'

“Ed Controls është një aplikacion ndër më të vlerësuarit, por ne sigurisht nuk duhet të anashkalojmë rëndësinë e elementit njerëzor.”

Daltonizmi

Van der Thiel ka punuar me Ed Controls që kur aplikacioni u lançua. “Në atë kohë, etiketat e ndryshme ishin treguar me pika me ngjyra,” kujton ai. “Një nga kolegët e mi që ishte daltonik nuk mund të dallonte midis etiketave të përfunduara dhe atyre që ishin në progres. Bazuar në këtë feedback, ngjyrat u bënë rrethe, katrorë dhe trekëndësha. Sot, kam arritur të largohem nga puna me lista të shkruara me dorë. Do të ishte e pamundur të mbaje një pasqyrë të ngjarjeve nëse do të punonim në mënyrën e vjetër, veçanërisht me një projekt ndërtimi kaq gjigant si Valley. Do të duhej të kalonim orë të tëra çdo herë duke kërkuar vendin ku është raportuar diçka. Planimetria e katit në Ed Controls na tregon saktësisht se ku është bërë fotografia që lidhet me një etiketë. Nuk mund të imagjinoj që dikush ende punon me letër në ditët e sotme.”

Auditime të personalizuara

Van der Thiel e konsideron të rëndësishme që formati dhe paraqitja të jenë sa më të thjeshta. “Sapo të fillojmë punën me beton, ne shtojmë auditime në metodologjinë tonë të punës. Ju mund të shtoni një formular në Ed Controls në mënyrë që personi që bën kontrollin të dijë saktësisht se çfarë duhet të shikojë. Ne i lidhim këto auditime me etiketat në mënyrë që të kemi një raport të plotë për gjithçka që bëjmë. Kjo na lejon të rigjejmë menjëherë se si është realizuar diçka dhe që është bërë sipas specifikimeve. Në Ed Controls, ne mund të personalizojmë plotësisht këto formularë kontrolli për t'iu përshtatur nevojave tona. Për shembull, zbatimi i një elementi prefabrikati duhet të përmbushë kërkesa të caktuara, ashtu si për çdo projekt tjetër. E njëjta gjë vlen për hedhjen e betonit për çdo kat shtesë ose çdo kolonë ose mur që ndërtohet. Ne përparojmë drejt këtyre pasqyrave specifike për projektin që ato të jenë gati paraprakisht, në mënyrë që kontraktori të mund të zbatojë direkt auditimin.”

Delegimi i detyrave

Softueri është një instrument thelbësor jo vetëm për punëtorët e Boele & Van Eesteren dhe G&S Bouw, të cilët e përdorin atë për tu orientuar në një ndërtesë si Valley, por edhe për partnerët dhe nënkontraktorët që përfitojnë nga ky softuer. “Vetëm në katin përdhe, keni kaq shumë ambjente me numra të ndryshëm,” shpjegon Van der Thiel. “Shumë etiketa ishin ende të hapura për punimet e bojës kur papritmas bojaxhiu ynë u thirr për një punë tjetër. Ne ne një kohë të shkurtër duhej të kontraktonim një kompani të re, por çdo ditë, punëtorët e tyre vinin në zyrë duke pyetur saktësisht se çfarë duhej bërë dhe ku. Kështu që kalova gjysmën e ditës duke u treguar atyre Ed Controls. Ata shkarkuan aplikacionin në telefonat e tyre celularë dhe u regjistruan me një adresë emaili. Që nga ai moment, me planimetrite në dorë, ata e dinin saktësisht se si të gjenin rrugën e tyre në ndërtesë dhe çfarë duhej të bënin. Është shumë më e lehtë të delegosh detyrat me Ed Controls.”

“Është shumë më e lehtë të delegosh detyrat me Ed Controls.”

Kjo është arsyeja pse Van der Thiel gjithmonë fton çdo partner ose nënkontraktor të marrë pjesë në një prezantim. “Pothuajse të gjithë përfshihen menjëherë në këtë metodë pune sepse ata shohin qartë se si përfitojnë të gjithë. Kompani të ndryshme kanë filluar të përdorin Ed Controls për projektet e tyre dhe kanë pasur rezultat.”

Thjeshtësia për gjithçka

Megjithëse Van der Thiel ndonjëherë ka punuar me sisteme të tjera të menaxhimit të cilësisë, ai është një përdorues i përkushtuar i Ed Controls. “Ajo që më pëlqen veçanërisht për këtë sistem është që softueri mbetet i thjeshtë pavarësisht të gjitha pajisjeve teknologjike dhe risive te tyre. Nuk më duhet asgjë më shumë se funksionalitetet që kërkoj për të kryer punën time. Shumë softuere të tjera i komplikojnë gjërat me të gjitha llojet e funksioneve dhe opsioneve që nuk janë të nevojshme në të vërtet. Kjo e tejkalon qëllimin. Jo vetëm që njerëzit përdorin vetëm gjysmën e asaj që aplikacioni ka për të ofruar, por teprimi bëhet irritues pas një kohe. Sistemi fillon të punojë kundër teje.”

Ai jep një shembull. “Ishte ideja për të vendosur të gjitha planimetrite në sistem, por unë preferoj shumë një planimetri kati bosh që tregon: numrin e rezidencës, numrin e dhomës dhe vendndodhjen. Kjo është mënyra se si mund të përqendrohesh në atë për të cilën është menduar softueri: të sigurohesh që të gjithë mund të gjejnë rrugën e tyre dhe të marrin informacionin nga njëri-tjetri rreth etiketave që kanë. Një fotografi dhe një përshkrim është gjithçka që na duhet. Në Ed Controls nuk përdorim planin e katit për të parë se çfarë duhet të ndërtohet. Kemi softuer të tjerë që e bëjnë këtë për ne. Dua t’i mbaj ato aspekte të ndara. Sigurisht, të gjithë janë të mirëpritur të bëjnë zgjedhjet e tyre, por përvoja më ka treguar se kjo funksionon më së miri.”

Çfarë është Ed Controls?
Ed Controls është një sistem menaxhimi cilësie për projekte ndërtimi. Karakteristikat më të rëndësishme të Ed Controls janë:

• Komunikimi i qartë i projektit
  Komunikimi i qartë i projektit përmes Ed Controls e bën menaxhimin e projekteve praktik dhe të realizueshëm. Ajo që dikur përfshinte male dokumentesh dhe email-e të panumërta tani është thjeshtuar në një aplikacion të lehtë për t’u përdorur. Ed Controls bën të gjithë informacionin e nevojshëm të disponueshëm për personat e duhur: qartë, shpejt dhe në çdo pajisje.

• Sigurimi i cilësisë
  Me Ed Controls, ju mund të kryeni shpejt dhe në mënyrë gjithëpërfshirëse inspektimet, kontrollet dhe vlerësimet e cilësisë në kantier. Informacioni i mbledhur është gjithmonë i disponueshëm.

• Dokumentacioni dixhital
  Udhëzimet dhe çështjet e veprimit regjistrohen dixhitalisht brenda Ed Controls. Ju mund ti ndani këto çështje veprimi me personin përgjegjës me një foto, vendndodhje dhe përshkrim.

• Lehtësia e përdorimit
  Softueri mund të përdoret online dhe offline, qoftë përmes një shfletuesi ose aplikacionit, me Android ose iOS. Ju gjithashtu mund të lidhni Ed Controls me çdo sistem që përdorni aktualisht.

• Të dhënat dhe raportimi
  Performanca e palëve të përfshira në projekt regjistrohet në kohë reale, duke e bërë menaxhimin efikas të projektit më të thjeshtë.

• Privatësia dhe siguria
  Ed Controls plotëson kërkesat e Ligjit për Mbrojtjen e të Dhënave Personale (Wet Bescherming Persoonsgegevens, ose WBP) dhe Rregulloren e Përgjithshme të Mbrojtjes së të Dhënave Evropiane, ose GDPR. Të gjitha të dhënat ruhen në dy qendra të dhënash evropiane në përputhje me standardet ISO 27001 dhe ISO 19001.

• Lidhja e softuerëve
  Merrni maksimumin nga Ed Controls duke lidhur sistemin me softuerë të tjerë. Disa nga këto lidhje janë gati për përdorim. Një API (Aplikacion për lidhjen e programeve) i hapur është i disponueshëm për lidhje ose integrime të tjera për të personalizuar softuerin sipas nevojave tuaja specifike.

Fotografi nga Marcel Steinbach, nga Boele & van Eesteren dhe Kees Winkelman

Dëshironi të dini më shumë? Bisedoni me një ekspert për të zbuluar se si mund t'ju ndihmojmë të punoni më me efikasitet.